Sjóferðir Hafsteins og Kiddýjar óskar öllum gleðilegs nýs árs með þökk fyrir viðskiptin á árinu sem er að líða,
Sjáumst hress og kát á árinu 2012!

Sjóferðir Hafsteins og Kiddýjar starfsmenn og stjórnendur óska öllum landsmönnum GLEÐILEGRA JÓLA, mreð þökk fyrir viðskiptin á árinu sem er að líða.  Sjáumst hress á komandi ári!

Í dag var farin ferð með eldri borgara úr Mýra- og Borgarfjarðarsýslum til Hesteyrar.  Lagt var af stað laust fyrir kl. 09:30 og komið til baka um kl. 13:30.  Veðrið lék við ferðalangana og allir komu ánægðir heim.
Að sögn Jóns Björnssonar, landvarðar á Hornströndum, sem staddur var á Hesteyri í dag, er loksins komin hreyfing á ferðamenn á svæðinu.  Hann dvelur nú á Hesteyri með erlenda sjálfboðaliða, sem eru að lagfæra tjaldsvæði og göngustíga á staðnum.  Leikur einn er nú að ganga túristahringinn eftir lagfæringarnar, og þeir eldri borgarar sem rætt var við var þetta létt ganga.  Að göngunni lokinna var að venju boðið upp á veitingar í Læknahúsinu og tók Hrólfur Vagnsson upp harmónikuna og spilað nokkur lög fyrir brottför og tók fólkið undir í söng.
Myndasyrpa er komin á myndasafnið úr ferðinni!

Fyrsta áætlunarferð sumarsins í Hornvík var farin fimmtudaginn 23. júní s.l. en þá hafði landvörðurinn gefið grænt ljós á að landið væri undir það búið að taka á móti ferðamönnum.  Góð þátttaka var í þessari fyrstu ferð, og var mikið um að vera á bryggjunni fyrir brottför eins og sjá má á meðfylgjandi myndum.  Veður var gott þennan dag og sólin lét meira að segja sjá sig, og sjór var hægur.  Ferðin gekk mjög vel og allir komu ánægðir heim að henni lokinni. 
Nú er búið að opna á alla áfangastaði Sjóferða og vonast er eftir því að ferðamenn, jafnt innlendir sem erlendir fari nú að láta sjá sig á Ísafirði.

Í dag eru 60 ár frá því að Kiddý (Guðrún Kristjánsdóttir) annar eigenda Sjóferða var borin í þennan heim.  Í tilefni dagsins bauð hún vinum, vandamönnum og starfsfólki Sjóferða upp á kaffi og meðlæti á paradísareyjunni Vigur í Ísafjarðardjúpi.  Farið var með bátnum Ingólfi út í eyju.  Þegar þangað var komið var sest að veitingum í koníaksstofu Viktoríuhússins, en húsfreyjan í Vigur hafði undirbúið glæsilegt kaffihlaðborð fyrir gestina.  Þegar allir höfðu troðið sig út af veitingunum var sest út í sólina og spjallað, Á sama tíma var hópur ferðamanna staddur í Vigur á vegum Sjóferða, og þegar afmælissöngurinn var sunginn mátti heyra tekið undir á þremur tungumálum.  Veður var með afbrygðum fallegt og má segja að þetta sé fyrsti dagurinn í sumar, sem notalegt var að sitja úti í sólinni.
Myndir úr ferðinni eru komnar inn á myndasafnið!